सुरेश सावंत यांनी आमदार निलेश राणे यांचे केले अभिनंदन

अभ्यासपूर्व मुद्दे अधिवेशनामध्ये मांडल्याबद्दल केला सत्कार

कुडाळ- मालवण मतदारसंघाचे आमदार निलेश राणे यांनी अधिवेशनात सिंधुदुर्ग साठी असलेल्या मासेमारी, पर्यटन, आरोग्य, शिक्षण, कृषी, ग्रामविकास, उद्योग, बेरोजगारी, रस्ते, वीज समस्या हे प्रश्न अभ्यासपूर्वक विधिमंडळात मांडले. यामुळे दमदार आमदार म्हणून निलेश राणे यांची राज्यभर चर्चा होत आहे. तसेच आरोग्य समस्या लक्षात घेऊन आमदार निलेश राणे यांच्या पाठपुराव्याने पालकमंत्री नितेश राणे यांनी ८० डॉक्टर सिंधुदुर्ग जिल्ह्यात पाठवले. बजेटवरील अभ्यास पूर्वक भाषण विधिमंडळात प्रश्न मांडल्यामुळे जनतेमध्ये समाधान व्यक्त होत आहे. यामुळे आमदार निलेश राणे यांचे कणकवली माजी पं. स. सभापती सुरेश सावंत, सांगवे माजी सरपंच महेंद्र सावंत पुष्पगुच्छ देऊन अभिनंदन केले.