कारच्या धडकेत जानवलीत पादचारी जागीच ठार
पिवळी नंबर प्लेट असलेली कार घेऊन कार चालकाचे पलायन
पोलिसांनी कार चालकाचा शोध घेण्याची मागणी
महामार्गावर कणकवली तालुक्यात जानवली प्राथमिक शाळेसमोर महामार्गाच्या बाजूने जात असलेल्या अनिल कृष्णा कदम जानवली बौद्धवाडी या पादचाऱ्याला एका अज्ञात वाहनाने जोरदार धडक दिली. या धडकेत अनिल हे जागीच गतप्राण झाले. वाहनाची धडक एवढी भयानक होती की त्या वाहनाच्या पुढील बाजूचा बंपर तुटून पडला.
ज्या गाडीने धडक दिली ती कार प्रवाशांची वाहतूक करणारी पिवळी नंबर प्लेट असलेली आहे. ही कार गोव्याकडे भरधाव वेगाने गेली असून याचा शोध पोलिसांनी घ्यावा अशी मागणी केली जात आहे.
