कुडाळात १३ एप्रिल रोजी भव्य लोकनृत्य स्पर्धा

श्री देव कुडाळेश्वर उत्सव मंडळ, कुडाळ यांचे आयोजन

प्रतिनिधी । कुडाळ : श्री देव कुडाळेश्वर उत्सव मंडळ, कुडाळ आयोजित कै. साहिल कुडाळकर स्मरणार्थ भव्य लोकनृत्य स्पर्धेचे आयोजन करण्यात आले आहे. हि स्पर्धा सिंधुदुर्ग, रत्नागिरी, गोवा मर्यादित असून शनिवार दि. १३ एप्रिल रोजी रात्री ठीक ११ वाजता स्पर्धा सुरु होणार आहे.
श्री रामनवमी उत्सवाचे औचित्य साधून या स्पर्धेचे आयोजन करण्यात आले आहे. या स्पर्धेसाठी प्रथम क्रमांक रोख रुपये १५ हजार ५५५, द्वितीय क्रमांक रोख रुपये ११ हजार १११, तृतीय क्रमांक रोख रु. ५ हजार ५५५, उत्तेजनार्थ दोन क्रमांकासाठी रोख रुपये २ हजार ५५५, उत्कृष्ठ नर्तक आणि नर्तकीसाठी प्रत्येकी रोख रुपये १ हजार ५५५ त्याशिवाय सर्व विजेत्यांना आकर्षक चषक आणि प्रमाणपत्र मिळणार आहे.
या स्पर्धेत भाग घेण्यासाठी आणि अधिक माहितीसाठी केदार राऊळ (९९२२०७९४०८ / ९४२२०७९४०८) किंवा गौरेश कुडाळकर (८४१२००९६७७ / ९४०५७१९७०५) या क्रमांकावर संपर्क साधावा असे आवाहन श्री देव कुडाळेश्वर उत्सव मंडळ, कुडाळ यांच्या तर्फे करण्यात आले आहे.

प्रतिनिधी, कोकण नाऊ, कुडाळ.