“रोटरी आनंद मेळा 2023” मध्ये आज डॉग,पपी व कॅट शो.

कणकवली/मयुर ठाकूर.

“रोटरी आनंद मेळा 2023” चा आजचा आठवा दिवस आणि आजच्या दिवशी कार्यक्रमाच विशेष आकर्षण म्हणून “डॉग,पपी व कॅट शो” च आयोजन आयोजकांच्या वतीने करण्यात आलं आहे.या कार्यक्रमाला उपस्थित राहण्याचे आवाहन आयोजकांच्या वतीने करण्यात येत आहे.गेले सात दिवस “रोटरी आनंद मेळा 2023” हा कणकवली येथील सरकारी दवाखाना समोरील मैदानावर सुरू असून विविध कार्यक्रमांची रेलचेल येथे सुरू आहे. त्यामध्ये काल नुकताच “मला पैठणी जिंकायची” हा महिलांचा कार्यक्रम संपन्न झाला.या कार्यक्रमामध्ये देखील शहरातील महिलांनी मोठ्या संख्येने उपस्थित राहत कार्यक्रमाची शोभा वाढविली.तसेच रोटरी आनंद मेळा 2023 चे अजून चार दिवस राहिले असून अशाच विविध कार्यक्रमांचे आयोजन रोटरी आनंद मेळा च्या आयोजकांच्या वतीने करण्यात आलेल आहे.रोटरी क्लब ऑफ कणकवली सेंट्रल तर्फे विशेष कार्यक्रमांच आयोजन करण्यात येत आहे.रोटरी आनंद मेळा 2023 मध्ये आयोजित केलेल्या विविध खाद्यपदार्थांचे स्टॉल तसेच भारतातील क्रमांक एकचा “इंटरटेनमेंट शो” चा कणकवली वासिय आनंद लुटत असून मोठी गर्दी पाहायला मिळत आहे.