वाचनाचा छंद कायमस्वरूपी जोपासा – प्रमोद नलावडे यांचे माजी विद्यार्थ्यांना आवाहन

कुडाळ कनिष्ठ महाविद्यालयातील कला शाखेच्या १९७९-८० बॅचचा माजी विद्यार्थ्यांचा स्नेह मेळावा

कुडाळ – गुरूजनांनी घालून दिलेली शिस्त आजही आपल्या ग्रुपमध्ये दिसून येते ती तशीच पुढे राहो. वाचण्याचा छंद असाच कायमस्वरूपी जोपासा असे आवाहन प्रसिद्ध व्यावसायिक प्रमोद नलावडे यांनी केले. कुडाळ हायस्कूल आणि कनिष्ठ महाविद्यालयातील कला शाखेच्या १९७९-८० बॅचचा स्नेहमेळावा कुडाळ तालुक्यातील कोकण हेरिटेज रिसॉर्ट मुळदे येथे 12 मे रोजी पार पडला. यावेळी नलावडे बोलत होते.

नाते विश्वासाचे ही टॅगलाईन घेऊन चालणारा आणि “मैत्रीचा खरा अर्थ सांगणारा हा सोहळा सन २०१६ पासून सूरू झाला असून तो प्रत्येक वर्षी त्याच एकजुटीने संपन्न होत आहे. कार्यक्रमाच्या अध्यक्षस्थानी वर्गातील सर्वात हुशार माजी विद्यार्थी महेश भांडारकर होते. तर प्रमुख पाहुणे म्हणून देवगड येथील प्रसिद्ध व्यावसायिक प्रमोद नलावडे होते. सर्वांत शेवटी ३१ मे २०२४ सेवानिवृत्त होणारे विनायक परब (गोवा) यांचा यानिमित्ताने सत्कार करण्यात आला. परब यांनी कृतज्ञता व्यक्त करून आपल्या भावना गोवा कोंकणी भाषेत व्यक्त केल्या.
दुपारच्या सत्रात महेश भांडारकर, मधुकर कुबल यांचा सुश्राव्य गायनाचा कार्यक्रम झाला. शोभा राऊळ यांनी सुंदर दोन कथा सांगितल्या. प्रकाश कोचरेकर यांनी योगाचे महत्व तर अनिल गावडे यांनी सामाजिक बांधिलकी कशी असावी याची माहिती दिली. राजन कांबळी, नंदकिशोर बोर्डवेकर यांनी ग्रुपचे महत्व सांगितले. दिलीप प्रभू खानोलकर याने ग्रुपमधील सर्वांच्या मनातील भावनांचे सुंदर विवेचन केले,कार्यक्रमास दिगंबर सडवेलकर, किशोर शिरसेकर, विनायक परब, रवी नेवाळकर, महेश भंडारकर, मधू कूबल, दीलीप प्रभूखानोलकर, संतोष आंबडोसकर, शरद आकेरकर, अनील गावडे, लक्ष्मण मेस्त्री, प्रकाश कोचरेकर, दिनकर वालावलकर, अशोक मेस्त्री, राजन कांबळी, नंदकिशोर बोर्डवेकर, सुमंगल परब नलावडे, पुष्पलता बोभाटे भिसे, सुधा रेगे केणी, गीता दाभोलकर, शोभा राऊळ, सुनीता वालावलकर प्रभू तेंडुलकर, हेमलता दांडेकर मराठे उपस्थित होते. संकल्पना विनायक परब, किशोर शिरसेकर, सुधा रेगे, संयोजन दिनकर वालावलकर, संतोष आंबडोसकर, गीता दाभोलकर, तर आभार मधू कूबल, शरद आकेरकर यांनी मानले.

पुढील गेट-टुगेदर कुडाळात

फॅमिली स्नेह मेळावा संकल्पना अशोक मेस्त्री यांनी व्यक्त केली. तसा ठराव कीशोर शीरसेकर यांनी मांडला. पूढील गेट टुगेदर कुडाळ येथे १८ मे २०२५ रोजी होईल याची घोषणा शरद आकेरकर यांनी केली. पुन्हा भेटण्याचे आश्वासन देऊन सर्वजण आठवणीची शिदोरी घेऊन घरी परतले.

स्वकर्तृत्वावर विश्र्वास

माझा स्वकर्तृत्वावर विश्र्वास आहे. शून्यातून सूरूवात करणाऱ्याला हरण्याची भिती नसते. आपले हे ऋण माझ्या शेवटपर्यंत ॠदयाच्या गाभाऱ्यात राहतील अशी भावना ग्रुप संस्थापक अशोक मेस्त्री यांनी व्यक्त केली.या वेळी सूत्रसंचालन मंगेश मराठे यांनी केलं