कुडाळ माड्याची वाडी मध्ये उभाठा ला धक्का सरपंचासह शेकडो संख्येने ग्रामस्थ भाजपात

प्रांतिक सदस्य दत्ता सामंत यांच्या नेतृत्वाखाली झाला प्रवेशः

ना. नारायण राणे, पालकमंत्री रविंद्र चव्हाण, माजी खा. निलेश राणेंच्या माध्यमातून गावातील विकास कामे मार्गी लावण्याचे आवाहन

कुडाळ केंद्रीय मंत्री ना. नारायण राणे पालकमंत्री रविंद्र चव्हाण आणि माजी खा. निलेश राणेंच्या नेतृत्वाखाली भाजपचे प्रांतिक सदस्य दत्ता सामंत यांनी शिवसेना ठाकरे गटाच्या आणखी एका बुरुजाला धडक देत हा बुरुज जमीनदोस्त केला आहे. कुडाळ तालुक्यातील माड्याचीवाडी सरपंच विघ्नेश गावडे यांच्यासह शेकडो ग्रामस्थांनी शनिवारी सायंकाळी दत्ता सामंत यांच्या नेतृत्वाखाली भाजपा मध्ये प्रवेश केला, गावातील विकास कामे सोडवण्याची ताकद फक्त भाजपामध्येच आहे, हे ओळखून आम्ही सर्वांनी भाजपात जाण्याचा निर्णय घेतला असून लोकसभा निवडणुकीतील भाजपा महायुतीचे उमेदवार, केंद्रीय मंत्री नारायण राणे यांना गावातून ८०% मतदान देण्याची ग्वाही ग्रामस्थांनी दिली आहे. कुडाळ तालुक्यातील माड्याचीवाडी ग्रामपंचायत शिवसेना ठाकरे गटाकडे आहे. मात्र गेली दहा वर्षे गावातील विकासाचे कोणतेही काम करण्यात आमदार, खासदारांना यश आलेले नाही. त्यामुळे सरपंच विघ्नेश गावडे आणि शेखर गावडे यांच्या नेतृत्वाखाली येथील ग्रामस्थांनी केंद्रीय मंत्री ना. नारायण राणे, पालकमंत्री रविंद्र चव्हाण आणि माजी खा. निलेश राणेंचे नेतृत्व मान्य करीत शनिवारी सायंकाळी उशिरा भाजपचे प्रांतिक सदस्य दत्ता सामंत यांच्या उपास्थितीत भाजपात प्रवेश केला. यावेळी माजी तालुकाध्यक्ष विनायक राणे, माजी सभापती अभय परब, निलेश तेंडुलकर, मालवणचे माजी उपनगराध्यक्ष राजन वराडकर यांच्यासह विभागप्रमुख मंगेश प्रभू माजी सरपंच दाजी गोलम, बूथ अध्यक्ष अनंत गडकरी, शिवसेनेचे उपविभागप्रमुख रामकृष्ण गडकरी उपस्थित होते.