🛑दोडामार्ग तालुका पत्रकार समितीच्या अध्यक्षपदी संदीप देसाई

❇️संदीप देसाई आणि सुहास देसाई यांच्यात चुरशीची लढत

❇️संदीप देसाईंना १० तर सुहास देसाईंना ९ मते

❇️सचिवपदी गणपत डांगी, उपाध्यक्षपदी शंकर जाधव, साबाजी सावंत व कोषाध्यक्षपदी रत्नदीप गवस यांची बिनविरोध निवड

✅प्रतिनिधी l दोडामार्ग
कोकण नाऊ l News Channel
दोडामार्ग तालुका पत्रकार समितीच्या अध्यक्षपदासाठीची निवडणूक चुरशीची झाली.संदीप देसाई आणि सुहास देसाई यांच्यात झालेल्या मैत्रीपूर्ण लढतीत संदीप देसाई एका मताने विजयी झाले . त्यामुळें अध्यक्ष म्हणून त्यांची निवड घोषित करण्यात आली.
अध्यक्षपदासाठी संदीप देसाई, सुहास देसाई आणि पराग गावकर उभे होते. वीस पैकी दहा मते संदीप देसाई यांना, नऊ मते सुहास देसाई यांना तर पराग गावकर यांना एक मत मिळाले. त्यामुळे निवडणूक निरीक्षक ॲड . संतोष सावंत यांनी संदीप देसाई यांना विजयी घोषित केले.तर सचिवपदी गणपत डांगी उपाध्यक्षपदी शंकर जाधव व साबाजी सावंत यांची तर रत्नदीप गवस यांची कोषाध्यक्षपदी सर्वानुमते बिनविरोध निवड करण्यात आली. समिती कार्यकारिणी दोन वर्षांसाठी असेल.
येथील हॉटेल स्नेह रेसिडेन्सीच्या हॉलमध्ये सुहास देसाई यांच्या अध्यक्षतेखाली निवडणूक झाली . जिल्हा पत्रकार समितीचे खजिनदार ॲड. संतोष सावंत यांनी निवडणूक निरीक्षक म्हणून काम पाहिले. त्यांनी श्री. देसाई व नवनिर्वाचित कार्यकारिणी पदाधिकाऱ्यांचे पुष्पगुच्छ देऊन अभिनंदन केले. यावेळी मावळते अध्यक्ष सुहास देसाई व सचिव महेश लोंढे,जिल्हा कार्यकारिणी सदस्य लखू खरवत तसेच प्रभाकर धुरी, वैभव साळकर, तेजस देसाई, संदेश देसाई, पराग गावकर, सुनील नांगरे, ऋषिकेश धर्णे, समीर ठाकूर, ओम देसाई, भिकाजी गवस, राजेश देसाई, गजानन बोंद्रे आदी उपस्थित होते. जिल्हा पत्रकार संघाचे अध्यक्ष उमेश तोरसकर, दोडामार्ग नगरपंचायतच्या महिला व बालकल्याण सभापती ज्योती जाधव, पत्रकार सागर चव्हाण आदींनी नूतन कार्यकारिणीचे अभिनंदन केले.
प्रतिनिधी, कोकण नाऊ, दोडामार्ग